مع اقتراب عيد الأضحى نود إعطائكم نصائح هامة حول الخروف الذي سوف تشترونه، وحتى لا تسقطوا في الخطأ الذي قد يتسبب في عدم جواز الأضحية، لهذا ارتأينا أن نزودكم بالنصائح التالية وبالدارجة المغربية كي تعم الفائدة أكثر.

نصيحة كسَّاب:

المهم كلكم كتلاحظوا في الصورة كاين حولي، وكتلاحظو نقط حمراء في عدة مناطق في جسم الحولي، وكلكم كتعرفو العر أو الحبوب لي فيه القيح، أو ما يسمى بكيس الصديد.
أخي المواطن كيفاش تتجنب تشري بحال هاد الحولي، لأنه غير مقبول كأضحية للعيد، كما أوصانا الرسول صلى الله عليه سلم.
وكاين موضوع آخر نوضحوا فيه شنو هي العيوب لي تمنع الحولي من يتذبح أو يكون أضحية ؟
قبل ما تشري الحولي تلمس بيدك كل المناطق لي فيها نقطة حمراء، يعني لأن العر أو الحبوب كتكون في جسم الحولي فين كاينين النقط الحمراء.
كاين نقطة حمراء و عليها دائرة زرقاء، هاذيك هي مكان الجلبة، ربما تلقاه منفوخ أو شي ولسيسة، يعني ماشي مشكل و فيهاذيك المنطقة مكيكونش العر؛ العر كيكون في الخد أو الحنك، وتحت الأذن وعند الحلق وما بين حبل الوريد وفي الكتف، وعند الفخد يعني في الشاكلة ما بين البطن والفخد، وكذالك وراء الفخد أسفل المخرج و ما بين الخصيتين. الحولي لي عندو الصوف قليل ساهل باش تشوف هاذ العر، لكن الحولي لي عندو الصوفة كثيرة وكتغطيه كامل من الأحسن تبقى تلمس بيدك مزيان، وتحسس كل المناطق لي فيها نقطة حمرا كما في الصورة، لتتجنب أي مفاجأة.
وهاكدا كنكونوا عرفنا كيفاش يمكن لينا نشريوا الحولي واحنا بالنا مرتاح من هاد الناحية.
عيدكم مبارك سعيد وكل عام وأنتم بألف خير.